According to di show host Ebuka Obi-Uchendu di show go last for 10 weeks.
Dis year, di title of di show na ‘Shine Ya Eye’ and for di first night, na only di boys dem reveal.
Dem go reveal di girls for di Sunday part of di show.
- Eviritin you need to know about BBNaija season 6
- Highlights of day one of BBNaija season 6 Shine Ya Eye
Dis season get two launch shows. Di first launch happun on Saturday 24 July, di second go be on Sunday 25 July. Di launch show go start by 7pm West African time.
BBNaija na di biggest reality show for Africa, ova 49 kontries for di continent tune in to watch di season launch wey start by 7pm West African time, according to di show organizers.
Who be di housemates?
Boma
Raised by im single mother and grandmother, Boma bin don marry before.
Boma suffer injury during football try-outs, im dey determined to “never, ever, give up” and hold onto im faith.
Okusaga
Dis 28-years-old engineer come from Lagos State. Okusaga aka Saga say im go “bring vibe to di house”.
Im say di lowest point for e life na wen im hear say e mama – wey im describe as e best friend – don die.
Yousef
Dis bi-racial Nigerian be teacher come from Jos, Plateau State and plan to bring lots of entertainment for di show.
Im sey e go like make pipo dey call am Yousef.
Pere
Drama and gbas-gbos, na one of di housemates wey Ebuka announce as housemate on di show.
Pere say im be actor and plan to “bring spontaneity to di audience on di show”.
Whitemoney
Multitalented Whitemoney describe imself as open-minded “jolly good fellow” wey like to catch fun.
Di 29-year-old Lagos based Whitemoney originally come from Enugu State.
Niyi
Im also be businessman wey dey run fantasy game platform and event business for Cape Town, South Africa.
Niyi dey 6’6” in heigth and likely go be di tallest housemate on dis season edition of di show.
Yerins
E describe imsef as ‘polymath’ wey get undying love for many creative things.
Jay Paul
Im be complete entertainer wey dey run tourism business. Jay Paul dey act, sing and dance as well.
Emmanuel
Emanuel na model wey dey into pageantry and be winner of Mr Africa.
E dey single and say possibility dey say im go fit “mingle”.
Sammie
Im come from Kaduna State and plan to enjoy imsef for di show.
Read Also: Light Movies Xyz – Light Movies Download | Free Movies on Light DL
Cross
keep visiting fanslite.com as we shall be working round the clock to update you and bring to you full details the TV show. Please share our post to update friend on BB Naija 2021 housemates: Africa Magic reveal BBNaija Shine Ya Eye housemates – Big Brother Naija